BUTUAN CITY – Blangko pa ang survivor nga minero sa pagpamusil ning mi-aging gabii sa lungsod sa Tubay, Agusan del Norte nga mi-angol sa duha niya ka mga ka-ubanan kinsa parehong anaa sa talandugong kahimtang.
Naila ang mga biktimang sila Marvin Balahay, 23-anyos, ulitawo, residente sa Purok 2, Brgy. Telesfora kinsa naigo sa bukton lapos sa kilid kondiin nagpabilin pa sa iyang tiyan ang bala og Erlindo Vallente, 23-anyos, minyo og residente sa maong lugar kinsa na-igo usab sa likod lapos sa iyang tiyan.
Sigon ni Alan Renopal, 34-anyos, minyo og residente sa dapit nga nahitabuan, nagkanta-kanta lang sila sa videokehan sa ilang silingan human nagkasabot dihang misulod ang usa ka lalaki dayong pamusil ngadto sa iyang mga ka-ubanan.
Natabunan matud pa siya sa sandiganan sa lingkuranang iyang gihigdaan hinungdan nga dihang nakita niyang gipamusil na ang iyang mga ka-ubanan, mikaratil gilayon siya og dagan paggawas kauban si Dodoy Tomtom hinungdan nga wala sila ma-igo.
Dali matud pang misibat ang suspek sakay sa naghulat nang motorsiklo padulong sa wala pa matinong direksyon. (Beth Ruiz)
