BUTUAN CITY – Gidomina sa mga Filipino anglers ang bag-uhay lang natapos nga 10th Siargao International Game Fishing Tournament nga gipahigayon sa lungsod sa Pilar, Siargao Island, sa lalawigan sa Surigao del Norte.
Sa kompetisyon ning tuiga alang sa Biggest Sailfish (Lip-Lipan) Category, nakuha ni Elmer Causing gikan sa Pilipinas ang unang pwesto nga duna’y ganting 60-mil pesos nga salaping cash plus trophy, samtang ang ikaduhang pwesto nga duna’y ganting 40-mil pesos plus trophy, nakuha ni Ryan Damasoog ang 3rd place gi-award ngadto kang Emil Santos nga nakadawat og 20-mil pesos nga cash prize plus trophy.
Alang sa Biggest Giant Trevally (Talakitok) Category, nakuha ang 1st place ni Leo Yosalina gikan sa Pilipinas nga duna’y ganting 40-mil pesos plus trophy, ang 2nd place nakuha ni Noli Manas sa Amerika nga duna’y ganting 30-mil pesos plus trophy samtang ang 3rd place nakuha usab ni Dave Carl Kintanar sa Pilipinas nga duna’y ganting 20-mil pesos plus trophy.
Susamang mga ganti usab ang nakuha sa mga midaog alang sa Biggest Giant Tanguige Category pinaagi nila Pinoy anglers Marfin Tan alang sa 1st place, Jovy Ancheta alang sa ikawuhang pwesto og ang ikatulong pwesto nakuha usab ni Carlos Kintanar.
Samtang sa Biggest Giant Dorado Category, ang 1st place nakuha gihapon ni Marfin Tan, 2nd place ang Canadian nga si Richard Sharpe og 3rd place ang laing Pinoy nga si Rico Gueco. (Beth Ruiz)
