BUTUAN CITY – Giklaro ni Elizalde Bernales – information officer sa Department of Education kon DepEd-Caraga nga hangtud lang karong adlawa ang gitakdang duha ka adlaw nga eksaminasyon alang sa admission sa mga aspiring grade 7 students nga mutikang na sa Science, Technology and Engineering kon STE program sa ahensya.
Kini base sa memorandum sa DepEd-Caraga nga gipagawas kondiin nagbutyag nga wala na’y extension sa maong eksaminasyon.
Gipasabot kini sa opisyal human napa-abot sa mga ginikanan ngadto sa ilang buhatan ang ulahing impormasyon kalabot sa eskedyol sa eksaminasyon kondiin duna pa’y gitakda ang ubang tunghaan ning rehiyon nga himuon matud pa ugmang adlawa.
Sa pagkutlo niini nga balita, nagpadayon pa ang eksaminasyon sa Agusan National High School kansa mamahimong ma-avail sa mga gitakda nga mukuha niini ugmang adlawa. (Beth Ruiz)
