BUTUAN CITY – Ipailalom sa autopsiya ang patay’ng lawas sa usa ka Swiss National nga napalgan nalang wala nay kinabuhi sulod sa iyang panimalay kagahapon sa may Pagtoo street, Villa Curato Subd. Barangay Washington, dakbayan sa Surigao.
Naila ang biktima nga si Ivan bernard zeneser-37-anyos dunay kanhe kapuyo nga napatay na.
Sigon ni PO3 Noel Piong, sa Surigao City Police Station, mitawag kanila ang anak sa kapuyo sa biktima nga si Calpio Galamido mahitungod sa nahitabo sa Swiss National.
Sa ilang pagresponde, nakaplagan nila ang biktima nga wala nay kinabuhi. Base sa ilang imbestigasyon, dunay sakit nga grabeng pag-ubo ug arthritis ang biktima.
Apan ipa-ilalom gihapon sa autopsiya ang lawas sa biktima aron masuta ang tinood nga gikamatyan niini.
