BUTUAN CITY – Gigahinan na og 50 milyunes pesos nga pundo sa Department of Tourism kon DOT ang Siargao Island aron magamit sa pagpakusog pa sa ilang industriya sa turismo.
Sigon ni DOT-Caraga Officer-In-Charge Regional Director Mary Jean Camarin, parte sa maong pundo ang gigamit na alang sa nagpadayon karong 2017 World Game Fishing Tournament nga gisugdan niadtong Huwebes og matapos ugmang adlawa, Abril 9 adlaw’ng Dominggo.
Laing 10-milyunes pesos usab gikan sa kinatibuk-ang budget ang igahin alang sa umalabot nga World Surfing League nga himuon karong Septembre sa lungsod sa General Luna samtang laing 5-milyunes pesos usab ang i-alokar alang sa lain pang mga water sports adventures sa isla og usa na niini ang International Women’s Surfing Tournament nga himuon karong Hunyo ning tuiga.
Samtang 25-milyunes pesos usab gikan sa total budget ang gamiton alang sa pagsugod sa Siargao Tourism Development Program, nga magtutok sa urban planning alang sa Siargao Island aron makamugna na og integrated tourism master plan. (Beth Ruiz)
