BUTUAN CITY – Misaad si Director Charlie Fabre sa Department of Environment and Natural Resources kon DENR-Caraga nga iyang aksyunan ang kahiwiang nalambigitan sa iyang ginsakupan.
Kini ang gisaad sa opisyal human niya nasayran nga mangayo og dinagko nga kantidad ang mga sakop sa Lands Division sa ilang ahensya bugti sa ilang paghikay sa papeles nga ipa-abot sa ilang buhatan ilabina niadtong gustong magpa-survey sa ilang yuta.
Subay niini, gi-awhag sa opisyal ang publiko nga kinahanglang mangayo una og travel order ang mga gustong magpa-survey sa ilang yuta ngadto sa mga mudalikyat kanilang surveyors tungod kay mao kini ang magseguro nga legal silang gipadala niyang aron maoy mu-survey.
Giklaro usab sa opisyal nga wala siya’y gitugutang mu-survey og yuta sa adlaw’ng Sabado og Dominggo ilabina kung dili mu-abot sa lima ngadto sa pito ang muhimo sa survey. (Beth Ruiz)
