BUTUAN CITY – Gi-imbestigahan pa sa kapulisan sa Surigao City ang natigayong pagpamusil pasado alas-singko kagahapon sa hapon sa Brgy. San Juan nga mikalas og duha ka lalaki samtang laing usa ang angol.
Patay nang naka-abot sa ospital sila Niel Jerlin, og Auden Mahinay, parehong 22-anyos og residente sa Purok 11, Brgy. San Juan sa maong barangay samtang ang angol, nailang si Max Kelvin Opinion, 21-anyos, usa balut vendor kinsa natapsingan lang sa likod sa iyang ulo.
Sigon ni Surigao City Police Director Supt. Jay Baybayan, nagbaktas lang matud pa ang mga biktima dihang kalit lang silang gipamusil sa ulo sa nagsunod kanilang riding in tandem suspects.
Naka-helmet matud pa ang nagmaneho sa motorsiklo samtang nagsuot og kolor itom nga jacket og nagkalo usab ang angkas niini. (Beth Ruiz)
