BUTUAN C ITY – Andam na ang katawhan sa San Luiz, Agusan Del Sur para sa Grand Opening sa ika-17 ka tuig sa Kaligaon Festival karung adlawa.
Sa pakighinabi ning sibyahan kang Jane Trio, ang pag-abli sa maong kalihukan karung adlawa, pangunahan mismo ni Mayor Ronald Corvera dungan sa iyang adlaw’ng natawhan.
Apan gisugdan na kagahapon sa buntag ang Kaligaon Festival pinaagi sa usa ka Zumba nga gi-apilan sa mga stakeholders ug mga empleyado sa munisipyo. Gihashasan usab ang mga kandidata sa Miss Kaligaon Festival 2017 diin ang modaog sa maong indigay mamahimong representante sa San Luiz sa Naliyagan Festival karung Hunyo.
Gipadayag usab ni Jane nga mas gipa-anindot sa mayor ang kasamtangang festival ilabina kay kini ang iyang katapusang termino isip mayor. Lakip usab sa atangan ang mga halandong bisita nga mohatag ug lingaw sa festival sama sa bandang Aeges.
Gibalikan nalang ni Jane ang dili malimtang kasinatian sa 4 ka tuig nang pag-apil sa Kaligaon Festival ilabina matud pa kay dinhe niya nakita ang sex bomb dancers.
Nasayrang ang Kaligaon Festival namugna isip paghatag ug preserbasyon sa kultura sa mga taga San Luiz, Agusan Del Sur.
