BUTUAN CITY – Ipa-ilalom sa autopsiya ang patay’ng lawas sa kanhe barangay kapitan nga gitoohang na-anod sa tubig-baha sa San Francisco, Agusan Del Sur.
Sigon ni P/ Sr. Insp. Sandro Santillan, Hepe sa San Francisco Municipal Police Station, gikatahong missing ang biktimang si Lito Sala, kanhe kapitan sa Barangay Hubang sa maong lungsod, bandang alas 9:00 sa ni-aging gabi-i ug narekober kini wala nay kinabuhi, alas 10:00 kaganinang buntag.
Base sa imbestigasyon, gikan matud pa sa pista ang biktima nga naka-inom sa ilimnong makahubog ug pag-abot sa panimalay, nananghid kini sa iyang asawa nga kuhain ang kanding nga anaa sa dool sa suba.
Posibli matud pang nadalin-as ang biktima nga maghugas unta sa iyang tiil tungod sa nakitang tsinelas, ug hingpit nga na-anod sa kusog nga sulog sa suba.
