BUTUAN CITY – Padayon karun ang koordinasyung gihimu sa komitiba aron mapahapsay ang pagpahigayon sa Panaad 2017 sa may Barangay Anticala ning dakbayan sa Butuan alayon na sa paghandum sa Semana Santa.
Sigon ni Teodore Gabriel Salcedo, Focal Person sa Panaad 2017, nakig-alayon sila sa nagkadaiyang sektor sama sa kapulisan ug medics aron maplastar ang maong kalihukan.
Gipadayag ni Salcedo nga dunay mga libreng sakyanan sa mga gustong mu-apil sa Panaad 2017 nga nahimutang sa Guingona Park sa sentrong bahin sa siyudad, Barangay Libertad ug Barangay Ampayon.
Gibutyag pa niini alas 3:00 sa kaadlawon molarga ang maong mga sakyanan apan mas maayo ug mas sayu ang mo-avail niini aron dili magkagubot.
Kinahanglan usab nga andamon nila ang tagsa-tagsa ka kaugalingon alang sa pagpamalandong dungan sa pagtambag nga seryusuhon ang relihiyusong aktibidad.
Mihangyu nalang kini sa tanang mo-apil nga magbitbit ug tubig-mainom ug panyu og dili bisan asa ilabay ang mga basura. (Rolan Janea)
