BUTUAN CITY – Aminado si Mayor Katrina Marie Mortola nga duha ka higayon na siyang mihangyo sa Provincial Police Office niadtong Hulyo ning mi-aging tuig nga dugangan ang pwersa sa ilang kapulisan human niya nasayran nga 56 lang ang ihap sa mga pulis sa ilang siyudad.
Apan wala kini masanong hangtud nga pila ka mga hepe na sa kapulisan ang na-ilis sa ilang siyudad nga na-abtan na sa sunod-sunod nga kaso sa pagpamusil-patay.
Sa pakighinabi ning sibyahan, gibutyag sa opisyal nga ning mi-aging semana, iyang gipatawag ang mga membro sa City Peace and Order Council aron tun-an og maayo kung unsa ang ugat-hinungdan niini nga pagpamatay og pangitaan og paagi nga kini mahunong na.
Nasabutan na usab nilang mga opisyal sa siyudad nga maghimo og ordinansa ang ilang konseho aron idili na ang pagsuot og helmet sa mga motorista sulod sa bisinidad sa ilang siyudad.
Kini tungod kay mubalik gihapon sa iyang kadumalahan ang mga dautang panghitabo sa ilang siyudad ilabina nga misaka ang crime rate karon sa ilang siyudad ubos sa iyang kadumalahan. (Beth Ruiz)
