BUTUAN CITY – Gipahugtan karun sa Police Regional Office kon PRO-Caraga ang security operations alang sa panahon sa kuaresma ug tibook summer season pinaagi sa programang “Ligtas Sumvac 2017.”
Gimanduan ni PRO Caraga Regional Director P/Chief Supt. Rolando Felix ang tanang city ug provincial directors sa pagpatuman sa maong kampanya aron maseguro ang kaluwasan ug seguridad sa publiko.
Ang mga kadagkoang opisyal sa kapulisan nig rehiyon mipasalig usab sa publiko nga andam na ang security measures aron mahimong luwas ang kadalanaan padulong sa simbahan ug ubang summer destinations.
Mas daghang kapulisan karun ang gi-deploy diha sa gipangdagsa sa travellers ug torista.
Gipahugtan usab ang presensiya sa otoridad pinaagi sa dugang foot/mobile patrols, checkpoints, ug ang establishmento sa Police Assistance Desks Centers nakalatag na sa publiko aron mapug-ngan ang bisan unsang kremin. (Rolan Janea)
