BUTUAN CITY – Nagpadayon ang paghatag ug ayuda sa Department of Social Welfare and Development kon DSWD- Caraga ngadto sa mga biktima sa kalamidad nga nawad-an ug kapuy-an.
Sigon ni Eunice Montaos-Plaza, regional information officer sa nasangpit nga buhatan, padayong nagtagana sa ilang ahensya pinaagi na sa ilang Emergency Shelter Assistance Program og financial assistance alang sa mga biktima sa kalamidad susama na sa bagyo, baha, linog, sunog, ug uban pa aron nga maoy ilang magamit pagtukod ug balik sa ilang mga nadamyos nga panimalay.
Ilawom sa maong programa, mamahimong maka-avail ug 30-mil pesos ang mga benipisyaryo niini ilabina kadtong ang panimalay, totally damaged samtang 10-mil pesos alang niadtong mga partially damaged lang. (Mon Aplaya)
