BUTUAN CITY – Nagpadayon matud pa ang paghatag ug ayuda sa buhatan sa Department of Social Welfare and Development ( DSWD ) – Caraga ngadto sa mga biktima sa kalamidad kangsa mawad-an ug kapuy-an.
Sigon ni Eunice Montaos-Plaza, regional information officer sa nasangpit nga buhatan, nga nagpadayong gitagana sa ilang ahensya pinaagi na sa ilang Emergency Shelter Assistance Program ang financial assistance alang ngadto sa mga biktima sa kalamidad susama na sa bagyo, baha, linog, sunog, ug uban pa aron nga maoy ilang magamit pagtukod ug balik sa ilang mga nadamyos nga panimalay.
Matud pa nga ilawom sa maong programa, mamahimong maka-avail ug 30-mil pesos ang mga benipisyaryo niini nga programa kangsa ang mga panimalay ang totally damaged samtang 10-mil pesos alang niadtong mga partially damaged.
