BUTUAN CITY – Wala na maka-abot pang buhi sa gidalhang ospital ang 58-anyos nga lalaki human nadasmagan sa usa ka dump truck kagahapon sa may Mandacpan, Brgy. San Vicente ning siyudad sa Butuan samtang sakay sa iyang racer bike.
Naila ang biktimang si Eddie Gaba-isan, residente sa Purok Pechay, Brgy. Golden Ribbon ning siyudad samtang ang driver sa trak, nailang si Eric Ben Robles, 36-anyos, ulitawo og residente sa Davao City.
Sigon sa driver, gikan pa siya sa Brgy. Bit-os og padulong unta na sentrong bahin ning siyudad og pag-abot sa dapit nga nahitabuan, wala niya nabantayan nga iya nang nakasugat ang biktima hinungdan nga maayong pagkadasmag niini sa iyang sakyanan.
Gidala pa kini sa Butuan Medical Center apan wala na matabang pa sa mga medical staff. (Beth Ruiz)
