BUTUAN CITY – Nadugangan karon ang kaguol sa pamilya Marqueta human nga namatay na usab ang usa pa nilang anak nga naka-angkon og 3rd degree burn at ol sa sunog sa Brgy. New Society Village ning siyudad sa Butuan ning mi-aging adlaw.
Una nang namatay sa maong insidenteng usa ka tuig pa lang nga si Zion Lisondra Marqueta human nga wala na makuha pa sa amahan sa ilang kwarto hinungdan nga ang 4-anyos nga anak na lang nga si Jaydee ang naluwas kansa nataptan na og kalayo.
Gidala gilayon kini sa ospital apan wala na makaya pa ang mga paso sa lawas ilabina sa nawong hinungdan sa iyang pagkamatay.
Sigon ni SFO4 Rodrigo Canton, OIC City Fire Marshall sa Bureau of Fire Protection (BFP) Butuan, padayon pa ang ilang imbestigasyon sa maong insidente nga nagbilin og 68-milyones pesos nga damyos human nga mui-abot sa 50 ka kabalayan ang gilamoy sa kalayo. (Beth Ruiz)
