-- ADVERTISEMENT --
BUTUAN CITY – Mibalibad sa paghatag ug detalye ang buhatan sa Environmental Management Bureau kon EMB – Caraga mahitungod sa status sa mga minahan ning rehiyon nga nahilakip sa closure order nga gimando ni Department of Environment and Natural Resources kon DENR Sec. Gina Lopez.
Sigon ni Cheryl Elpa, tigpamaba sa EMB- Caraga, dili pa sila makapagawas ug detalyadong impormasyon mahitungod sa status sa maong minahan kung nagsirado naba kini o pabilin pa gihapong nag-abli.
Kini tungod kay ila pang gihulat ang resulta sa imbestigasyon ingon man abiso gikan sa ilang ka-uluhang buhatan.
Hinuon padayon matud pa ang ilang koordinasyon ngadto sa maong mga mining firms isip kabahin sa ilang inadlaw-adlaw nga trabaho. (Mon Aplaya)
