BUTUAN CITY – Gikadismaya ni Surigao City Councilor Rise Faith Recabo ang pagre-validate sa listahan sa totally damaged nga panimalay human mihapak ang 6.9 magnitude nga linog halos duha ka bulan na ang nakalabay.
Sigon ni Konsehal Recabo sa pakighinabi ning sibyahan, gipadayag sa representante sa City Social Welfare and Development kon CSWD-Surigao atol sa ilang regular sesyon sa niaging adlaw nga e-revalidate ang 400 kapin nga listahan nga una nang gi-aprubahan sa appropriation aron unta makadawat sa 6-mil pesos cash.
Nagpasabot lang kini nga dili pa mamahimong ihatag ang maong kantidad.
Tungod niini, nagpadayag ug kasubo ang konsehal tungod kay hangtud sa pagkakarun, wala pay nadawat ang mga nagkinahanglang pamilya aron subling makabaton ug balay.
Wala usab nasabtan niini ang disesyun sa CSWD labi na kay posibli nga mautro ang listahan human sa re-validation, tungod sa daghang mga rason.
Gipasabot usab sa opisyal nga muabot sa 3.8 milyones pesos ang nadawat nga donasyun gikan sa nagkalain-laing Non-government Organization kon NGO, ug dinhe matud pa kuhaon ang 6-mil pesos sa mga totally damaged ug 20-mil pesos sa mga namatyan ug gahinan usab ang dili na magamit pa nga tunghaan.
Samtang gikabalaka usab sa opisyal ang padayung aftershocks nga ilang masinati tungod kay posibling madugangan ang listahan sa mga totally damaged ugaling matiwasan ang nabutang sa partially damaged nga mga panimalay.
Alayon niini, mituktuk ang konsehal sa mga gusto motabang sa pagdalikyat ngadto sa CSWD.
