BUTUAN CITY – Girekomenda sa Office of the Ombudsman nga pasakaan og patong-patong nga mga kaso ang duha ka mga pulis nga sakop sa Municipal Police Station sa Kitcharao, Agusan del Norte.
Kini human nasuta nga supisyente ang mga dokumentong giduso sa mga complainants nga pamilya Melencion batuk nila PO2 Daryle Alonzo og PO2 Larry Precioso kinsa ilang kabanay nga si Espedito, residente sa Brgy. Mahayahay og gidudahan nga drug personality, atol sa ilang drug operation taliwa nga wala kini dalang armas og wala matud pa mi-aksyon pagsukol kanila.
Sa duha ka palid nga kamanduang gipirmahan ni Acting Director Yvette Marie Evaristo, girekomenda niining pasakaan og mga kasong murder, planting of evidence, grave misconduct, abuse of authority og conduct prejudicial to the best interest of the service ang maong mga pulis og gihatagan sila og napulo ka mga adlaw pagduso sa ilang counter-affidavit human madawat ang maong kamanduan.
Giklaro usab sa Ombudsman nga wala sila’y itugot nga motion to dismiss o kaha motion for a bill of particulars og susamang mga mosyon gawas lang sa kakulang sa hurisdiksyon.
Gitugutan usab sila pagduso og usa lang ka motion for rconsideration o kaha reinvestigation sa na-aprubahang kamanduan o resolusyon sulod lang sa lima ka adlaw human madawat ang kamanduan.
Samtang sa kasong administratibo kung itugot, susamang mosyon usab ang gitugot nga iduso sa mga respondents sulod lang sa napulo ka mga adlaw kansa resolbahon usab sa hearing officer sulod sa lima ka mga adlaw.
Nasayrang base sa gihimong laboratory examination sa PNP Crime Laboratory-Caraga, nagnegatibo sa drug test og paraffin test ang napatay na si Melencion. (Beth Ruiz)
