BUTUAN CITY – Hingpit nang napasira sa lokal nga kagamhanan ning siyudad kaganinang buntag pinaagi sa City Permits and Licensing Division pagpanguna sa hepe nga si Paul Cabrera, ang Bingkilan Woodcraft sawmill sa may Purok 1, Brgy. Pianing tungod sa pag-operate niini taliwa sa kawala’y business permit.
Sigon ni Paul Cabrera, na-isyuhan na niya kaniadto og cease and desist order ang maong sawmill human nakumpirma sa ilang gihimong inspeksyon niadtong Oktubre ning mi-aging tuig nga nag-operate na kini taliwa nga wala mu-agi sa saktong proseso alang sa iyang permit to operate.
Ang maong sawmill nga gidumala ni Irene Quimzon nakalapas sa ordinansa ning siyudad kansa angayang mu-agi pa unta sa barangay alang sa pag-isyu og resolution interposing no objection nga i-endorso sa ENRO.
Giklaro ni Cabrera nga maka-operate lang pag-usab ang maong sawmill, higayong ma-settle na ang problema niini sa permit sa ilang buhatan. (Beth Ruiz)
