BUTUAN CITY – Gi-andam na ang kasong ipasaka batuk sa usa ka tomboy nga nasikop sa buybust operation kagabi-i sa may Langihan road, corner rosales street, Barangay San Ignacio, Butuan City.
Nasikop sa mga personahe sa Butuan City Police Station-1, ang suspek nga si April Mira, 32-anyos nga taga Barangay Limaha ning dakbayan.
Nakuha sa posisyon ang 3 ka sachet sa gitoohang shabu, cellphone ug cash nga balor 2,100 pesos.
Sa pakighinabi ning sibyahan sa suspetsado, gihimakak niining iyaha ang maong drugas nga igo lang matud pa gipatunol sa iyaha.
Apan mi-angkon kini nga nitahan na siya kani-adtu sa kapulisan.
Mapasalamaton usab si Barangay San Ignacio Kapitana Jocelyn Amado sa pamalakad ni Panguong Rodrigo nga maoy gitumbok nga rason sa malinawon na niyang barangay.
Apan bisan paman sa hugot nga pagpatuman sa kampanya kontra sa ginadiling drugas, gipadayag sa kapitan nga duna gihapoy wala malisang niini.
