BUTUAN CITY – Gitoohang mga miyembro sa Guerilla Front Committee 4-A sa New People’s Army kon NPA ang mi-atake sa patrol base sa 1St Platoon-1St Maneuveer Company sa Provincial Public Safety Company kon PPSC sa may Barangay Tagcatong, Carmen, Agusan Del Norte.
Sigon ni SPO2 Lizandro Pagaro, mga alas 12:30 kaganinang kaadlawon gi-atake sa gibana-banang 30 ka mga armadong lalaki ang maong patrol base diin milungtad sa halos 30 minutos ang buto sa armas.
Mapasalamaton nalang si SPO2 Pagaru kay walay natalang casualty sa panig sa tropa sa gobyerno samtang dili usab kini segurado sa pikas grupo nga daling misibat human sa hitabo.
Narekober nila sa lugar ang mga basyu sa bala sa M16, M203 ug M14 nga klase sa armas.
Gipadayag nalang ni SPO2 Pagaro nga tungod sa kalig-on sa depensa sa maong patrol base gawas pa sa kanunay nilang pag-alerto, hinungdang wala nagmalampuson ang walhong grupo.
Sa karun, nakig-komperensiya na sila sa mga battalion commander aron masabutan ang lakang nga pagabuhaton human sa maong pang-pangatake.
