-- ADVERTISEMENT --
BUTUAN CITY – Signit sa gipahigayong buybust operation alas 10:45 kagabii sa may Purok 7, Barangay Ambago ning siyudad sa Butuan, ang usa ka dalaga.
Na-aresto sa mga personahe sa Butuan City Police Station kon BCPS-3 ang suspetsadong si Madelle Deles Ganson, 19-anyos, dalaga ug residete sa Purok-1, Barangay Amontay, Nasipit, Agusan Del Norte.
Nakuhaan ang suspek ug usa ka sachet nga dunay sulod sa gitoohang shabu nga mitimbang ug .5 gramos nga dunay market value nga 5-mil 900 pesos, apil na ang 300 pesos nga buybust money.
Sa kasamtangan, gi-andam na ang kasong ipasaka batuk sa dinakpan nga gikustudiya sa Ambago Police Station alang sa tukmang disposasyon.
-- ADVERTISEMENT --
