-- ADVERTISEMENT --
BUTUAN CITY – Suportado sa Philippine Red Cross kon PRC- Agusan del Norte-Butuan City Chapter ang Million Volunteer Run karong tuiga nga ipahigayon sa mga dagkong siyudad sa nasud karong Mayo 13.
Apan ang local chapter mas mipiling himuon kini sa Hulyo 22, atol sa ilang ika-69 nga founding anniversary. Subay niini, gi-awhag nila ang mga Caraganons pagsabwag sa maong impormasyon aron mu-apil sa pagdagan uban sa laing mga rehiyon.
Ang maong kalihukan gilangkuban sa duha ka kategoriya nga mao ang 3-kilometros og 5-kilometros nga pagdagan.
Ang mga partisipante niini mamahimong makapili sa ilang registration fee nga 500-pesos, 350-pesos, og 200-pesos. (Beth Ruiz)
