BUTUAN CITY – Mugnaon sa lokal nga kagamhanan ning siyudad sa Butuan ang dangerous drug board isip suporta sa kampanya ni Pangulong Rodrigo Duterte batuk sa illegal nga drugas.
Nagduso ug resolusyon si Konsehal Ernest John Sanchez, chairman sa committee on Dangerous drugs aron mugnaon ang maong board aron mamonitor ang mga establishemento nga gidudahang gigamit sa mga transaksiyun sa ginadiling druga.
Giklaro pa ni Sanchez nga ang maong dangerous drug board nagabase na usab sa RA 9165 kansa naghatag ug rikisitos sa lokal nga kagamhanan sa pagmugna ug board nga mututuk sa illegal drugs.
Tumong usab sa dangerous drug board ang pagpahimangno sa tanang nanag-iya ug establishemento sama sa hotel ug motel, nga ampingan ang ilang mga kliyente pinaagi sa pagmonitor sa mga musulod-gawas sa dakbalay.
