BUTUAN CITY – Dili biyaan sa mga opisyal sa Brgy. Holy Redeemer ang 72 ka mga indibidwal kon 25 ka mga pamilyang biktima sa sunog sa Purok 4 kagabii.
Kini ang pasalig ni Kapitan Efren Acaso samtang dili pa makapangita og kapuy-an ang mga biktima kinsa temporaryong nagpasilong karon sa ilang covered court og sa ubos nga bahin sa ilang barangay hall.
Kaganinang buntrag, nag-emergency session ang mga opisyal kondiin ilang gihisgutan ang tabang nga angayan nilang ihatag base na sa pundong gitagana alang sa kalamidad sama niini.
Nasayrang nagsugod pag-ulbo ang kalayo gikan sa mibuto matud pang linya sa kuryente sa usa ka litsunan og manok kansa daling mikaylap tungod sa mga balay nga gama lang sa light materials.
Gibana-banang mukabat sa kapin usa ka milyon ka pesos ang damyos sa sunog nga milamoy sa 30 ka mga balay nga nadeklarang fireout pasado alas-7:45 na sa gabii. (Beth Ruiz)
