BUTUAN CITY – Gipamugos ni Director Juan Albaladejo sa Bureau of Fisheries and Aquatic Resources kon BFAR-Caraga nga wala siya tuguti sa Sangguniang Panlalawigan sa Surigao del Norte nga ipadayag ang iyang panig kalabot sa pagbalhin niya sa ilang rehiyunal nga buhatan gikan sa Surigao City padulong sa Butuan City.
Reaksyon kini sa opisyal human gideklara sa provincial government sa maong lalawigan nga persona non grata.
Sa eksklusibong interview sa Bombo Radyo, gipadayag ni Albaladejo nga wala siya’y laing gusto kondili mao lang ang pagpanindot pa sa pagserbiso nila sa mga Caraganons pinaagi sa pagbalhin sa ilang guba nang buhatan nga matu-an pa higayong mag-ulan.
Mahinumdumang gipaboran sa mga membro sa konseho ang resolusyong giduso ni provincial board member Edgar Andanar tungod sa wala matud pa pagkunsulta ni Albaladejo kanilang mga provincial officials subay sa maong lakang kansa usa matud pa ka pagbinastos sa konseho og kawala’y respeto. (Beth Ruiz)
