-- ADVERTISEMENT --
BUTUAN CITY – Padayon pang gi-imbestigahan sa kapulisan sa Cabadbaran City, sakop sa Agusan del Norte ang pagpamusil-patay ngadto sa usa ka negosyante aron ma-ila og mapanubag ang mga responsable.
Nakabsan gilayon sa iyang kinabuhi si Junrey Virtudazo, ulitawo, residente sa Brgy. Doña Rosario, Tubay, Agusan del Norte human gitiro sa nag-inusarang suspek nga sakay sa motorsiklo.
Nasayrang nangihi lang sa gawas nga bahin sa iyang establisamiento ang biktima pasado alas-12:50 kagahapon sa kaadlawon dihang gipusil sa iyang ulo.
Gidala gilayon kini sa Cabadbaran District Hospital apan wala na ka kini maka-abot pang buhi. (Beth Ruiz)
