BUTUAN CITY – Pangunahan sa Department of Social Welfare and Development kon DSWD-Caraga ang 4Ps Job fair ning siyudad sa Butuan karung Marso 17 ning kasamtangang tuig.
Pagbutyag pa ni Paolo Gogo, Public Information Officer sa Butuan City Government, ang maong jobs fair alang lang sa mga benipisyaryo sa Pantawid Pampamilyang Pilipino Program kon 4Ps ning dakbayan.
Gibana-bana pang muabot sa 160 ka mga 4Ps benificiaries ang makapahimulos niini. Pasabot pa sa opisyal, tumong sa maong jobs fair aron dili sa tanang panahon nga magsalig sa gobyerno ang maong mga miyembro.
Gilauman usab ang suporta sa Department of Labor and Employment ko Dole ug Department of Trade and Industry sa maong kalihukan samtang ang lokal nga kagamhanan, motabang sa pagpahapsay niini.
Samtang nagplano na usab ang kagamhanan nga magpahigayon ug job fair alang sa tanang Butuanon.
