BUTUAN CITY – Naputlan og upat ka kuyamoy sa tuong kamot samtang naka-angkon pa og mga samad sa nagkada-iyang parte sa lawas ang usa ka ulitawo human mibusikad ang flashlight nga iyang gipunit nga anaa sa bangka pasado alas-siete kagabii.
Gitu-uhang duna’y kargang pulbura ang gipunit nga flashlight ni Ruel Silauro, 25-anyos, residente sa Purok 1, Brgy. Binuangan, lungsod sa Tubay, Agusan del Norte hinungdan sa pagbusikad niini.
Gika-ingong gisugo matud pa ang biktima sa iyang igsoon nga andamon ang ilang bangka aron sakyan padulong sa Cabadbaran City kauban ang ilang inahan.
Nakita niini ang flashlight og dihang iya kining gipasiga, dinhi na kini mibusikad hinungdan sa iyang pagka-angol og pagpabilin pa sa ospital. Blangko pa ang kabanay sa biktima kung kinsa ang nagbutang sa nasangpit nga flashlight diha sa ilang sakayan. (Beth Ruiz)
