BUTUAN CITY – Temporaryong nahatagan og kagawasan ang kura paruko sa lungsod sa Talacogon, lalawigan sa Agusan del Sur human nakayansa dihang gipasakaan og kaso human nakabangga-patay ang iyang gimanehuang service vehicle.
Sigon ni P/Sr. Insp. Gerry Fernandez, hepe sa Prosperidad Municipal Police Station sa maong lalawigan, pauli na unta si Fr. Jemuel Guyo sa lungsod sa Talacogon gikan sa Butuan City ning mi-aging Lunes sa alas-nueve sa buntag.
Pag-abot sa kurbadahong bahin sa Poblacion 18 sa lungsod sa Prosperidad, mi-ovetake kini kondiin iyang nasugat ang usa ka grupo sa mga motorcycle riders og nadumbulan sa iyang sakyanan ang motorsiklong gimanehuan ni Mamer Tiu, 30-anyos, ulitawo og residente sa Poblacion 13, sa lungsod sa Prosperidad nga padulong unta sa lungsod sa Sibagat sa susamang lalawigan.
Dead on the spot ang biktima og kagahapon human ang pipila ka oras nga pagkadetine, gipaakaan gilayon og kasong reckless imprudence resulting to homicide ang naasuy’ng pari apan temporaryo kining gibuhian human nakapyansa. (Beth Ruiz)
