BUTUAN CITY – Pabilin pang anaa sa Code Red Flood Alert Level 3 ang syudad sa Butuan gumikan sa padayong pag-ulan nga epekto sa Low Pressure Area ug Tail-End of a Cold Front nga miresulta sa pag-awas sa tubig-baha sa mga kasikbit nga mga barangay duol sa Agusan river ilabi na sa mga low-lying areas.
Gipanghimangnoan ang mga residente sa nasangpit nga lugar nga kinahanglan nang muhikling aron paglikay sa posibleng aksidenteng mahitabo.
Base sa pinakaulahing taho gikan sa lokal nga panggamhanan ning syudad, miabot na sa 325 ka mga pamilya kon 1,192 ka indibidwal gikan sa pito ka mga barangay nga gilangkuban sa Brgy. Buhangin, Baan Riverside, Bading, Golden Ribbon, Mahogany, Maug ug Obrero ang nanghikling na sa ilang Covered Courts ug Pilot Evacuation Center gumikan sa pagbaha.
Samtang wala gipangdawat ang mga apektadong pamilya nga mihikling sa mga tulunghaan nga gikonsiderang evacution center sama sa Agusan National High School kon ANHS gumikan kay karung Dominggo adunay ipahigayong eksaminasyon sub proffessional examination ang civil service commission nga dili pwedeng malangan.
Kadaghanan sa mga mihikling, igo na lamang gihatud sa pilot evacuation center sa Brgy. Bancasi ning syudad.
Samtang sa Surigao City, pipila ka mga low-lying barangays usab ang gibaha gumikan sa pagtaas sa tubig sa Surigao river kansang kanselado kagahapon, kanselado ilabina sa pre-school level.
Nakaalerto na usab ang ilang mga personahe sa CDRRMC ugaling adunay aksyon nga kinahanglang himoon.
Samtang, sa Agusan del Sur, padayon lang gihapong gi-monitor sa provincial DRRMC sa Agusan del Sur ang mga nabahaang barangay gumikan sa pagtaas na usab sa tubig sa Agusan river nga h atud sa pag-abot na sa tubig baha gikan sa Compostela Valley province. (Zirk Maravilla)
