BUTUAN CITY – Mi-abot sa 244 ka mga pamilya gikan sa upat ka mga barangay sa sentrong bahin ning siyudad nga nabahaan ang mihikling na sa tagsa-tagsa nila ka mga barangay covered court tungod sa pipila ka adlaw nang pag-ulan.
Gibutyag ni Paolo Gogo – information officer sa Butuan City government nga ang mga evacuees, naggikan sa Brgy. Maon, Golden Ribbon, Bading og Obrero og kini wala pa’y labot sa ilang gipangbalhin nga 66 ka mga pamilya ngadto sa pilot evacuation center sa may Brgy. Bancasi.
Gipangbalhin matud pa ang maong mga namakwit tungod kay dili pa nila mamahimong ukupahan ang Butuan Central Elementary School og Agusan National High School tungod sa mga kalihukang himuon.
Gila-uman usab sa opisyal nga madugangan pa ang ihap sa mga namakwit tungod kay duna pa’y lauman usab nga mga pag-ulan.
Kini gawas pa sa tubig nga mu-abotay gikan sa Agusan del Sur nga gila-umang madugang sa volume sa tubig karon sa Agusan River.
Bisan pa man, andam gihapon ang lokal nga kagamhanan alang sa himuong rescue og relief operations. (Beth Ruiz)
