BUTUAN CITY – Gipa-ilawom sa walang hunong nga operasyon batuk sa insurhensiya ang tanang kapulisan ning rehiyon sa Caraga human ang pagdeklara ni Pangulong Rodrigo ug giyera batuk sa rebelding New People’s Army.
Kini dunay kalabutan sa pagpangambush nga nahitabo sa Barangay Sibayan, Bansalan, Davao del Sur diin 4 ka miyembro sa PNP ang napatay.
Sigon ni P/ Chief Supt. Rolando Felix, Regional Director sa Police Regional Office kon PRO-13, wala na sila nakurat sa samang taktika sa rebelding grupo aron lang makakuha ug mga armas ug makapatay og tropa sa gobyerno.
Alayon sa direktiba ni Pangulong Duterte, gibutyag ni Gen. Felix nga mas pahugtan pa nila ang koordinasyun ug suporta sa militar aron sa pagpulpog sa walhong grupo.
Hilabihan usab ang pagsubo sa opisyal sa nadangatan sa mga biktima diin igo lang matud pa kini mi-responde sa nahitabong kremin.
Nagpaabot nalang kini ug pahisubo sa mga pamilya sa napatay’ng pulis.
Ang maong panghitabo nagpakita matud pa nga natural lang nga maneguro ang kapulisan sa himoong pagresponde sa mga kremin.
Nanawagan usab kini ug tabang sa tanang barangay opisyales ug katawhan pinaagi sa paghatag ug impormasyun kung tinood ba ang gipaabot nga reklamo sa ilang buhatan aron sa ingon dili ma-trap ug mabiktima ang morespondeng pulis..
