BUTUAN CITY – Nalandig sa Agusan del Norte Provincial Hospital ang usa ka Grade 8 pupil gikan sa Brgy Hinandayan, Nasipit, Agusan del Norte human aksidenting naigo sa bala gikan sa de Bomba kon air gun.
Saysay sa biktimang gitago lang sa pangalang Inday, mi-uban siya paglaag ngadto sa balay sa iyang classmate pasado alas-dose sa udto kondiin ilang gipabuto ang de bomba nga gipanag-iyahan sa amahan niini.
Dihang gikablit na ang armas, wala matud pa miguwa ang bala rason nga ila na lang kining gisandig kilid sa dingding ug mubiya na unta apan natumba kini ug mibuto ug miigo sa walang abaga sa biktima.
Wala na gipa-ilalom sa operasyon ang biktima kay hulatan nalang nga mugawas ang bala aron nga wala nay madamyus pa nga ugat sa iyang lawas. (Beth Ruiz)
