BUTUAN CITY – Balik-selda ang duha ka piniriso sa may Butuan City Police Station 1 nga naka-eskapo kaganinang buntag human nasikop sa hot pursuit operation.
Nasayrang bandang alas 6:00 kaganinang buntag, sa dihang nabantayan sa jail Guard nga mao usay gate guard sa maong estasyon nga sila PO2 Joel Dokdok ug PO2 Ruel Casucot nga nakasibat ang mga pinirisong sila Cris Peligro Dayola, 32-anyos, olitawo nga taga Purok sibuyas, Barangay Golden Ribbon ning siyudad sa Butuan nga nag-atubang sa kasong kawat ug si Ryan Bautista Melendres,18-anyos, olitawo nga residente sa Purok-7, Kalibunan, Cabadbaran City.
Naka-eskapo ang mga binilanggo pinaagi sa pag-guba sa steel bar sa Comfort Room (CR).
Daling naglusad ug hot pursuit operation ang otoridad ug malampusong nasikop ang duruha bandang alas 4:00 sa hapon sa may Barangay Libertad ning dakbayan sa Butuan.
