BUTUAN CITY – Nakapili na ug bag-ong set of officer ang International Bar of the Philippines kon IBP-Butuan-Agusan Del Norte Chapter human ang gipahigayong election niadtong Sabado, Marso 4, 2017.
Nahimong bag-ong presidente si Atty. Dendo G. Udarbe ug ang besi-presidente mao si Atty. Rodney C. Ato, secretary si Atty. Khalil Lamigo, Auditor si Atty. Richard Lamigo, PIO si Atty. Clint T. Dabalos samtang ang mga Board of Directors mao sila: Atty: Noel Anthony A. Libres, Atty. Patrick R. Battad, Atty. Nelbert T. Poculan, Atty. James L. Bringas ug Atty. Arcedel I. Libarios.
Magsugod sa duha ka tuig nga pangatungdanan ang maong mga opisyal karung Abril 1.
Sa eksklusibong pakighinabi ning sibyahan sa Presidente nga si Atty. Udarbe, gibutyag niini nga dili lang interest sa matag-miyembro ang katuyuan sa IBP kundi ang paghatag ug serbisyung legal sa katawhan, isip kabahin sa social responsibility.
Pakusgan usab niini sa iyang administrasyon ang pakig-alayon sa mga huwis, ug otoridad aron mahisgutan ang paghatag ug hustisya sa katawhan.
Samtang sa isyu sa mga kaubanang nalambigit matud pa sa illegal nga drugas, gipadayag ni Atty. Udarbe nga apil kini sa ilang tuki-on aron masabtan ang papel sa mga abogada sa mga kasong dunay kalabutan sa drugas.
