BUTUAN CITY – Dakong garbo alang sa mga Butuanon og mga Agusanon ang pagka-number 8 sa Philippine Military Academy kon PMA Salaknib Class of 2017 si Cadet Joyzy Mencias Funchica nga mugradwar karong Dominggo, Marso 12.
Ang lumad nga taga- Brgy Bilay, ning siyudad sa Butuan, natawo niadtong Enero 11, 1994.
Adiser misulod sa akademiya, pipila ka tuig siyang nag-istar sa Butuan kondiin migradwar siya nga validectorian sa high school niadtong tuig 2006 og nagtungha sa Caraga State University sa kursong Bachelor of Secondary Education major in Mathematics kondiin usa siya ka dean’s list awardee.
Tuig 2013 dihang napili siyang usa sa mga kadete aron mu-apil sa PMA Salaknib Class of 2017.
Sa cadet corps, siya ang unang first platoon leader sa company og nahimong company academic officer gawas nga usa usab siya ka consistent dean’s lister og recipient sa Course Excellence Award.
Dili lang siya utukan tungod kay physically active usab siya isip membro sa Athletic Corps Squad. Ning mi-aging tuig 2016, gipadala siya ngadto sa Indonesia isip usa sa mga contingents alang sa Philippines-Indonesia Cadet Exchange Visit. (Beth Ruiz)
