BUTUAN CITY – Dako ang paglaum sa koponan ni Butuan City Mayor Ronnievic Lagnada nga atua karun sa kauluhang manila, nga makakuha ug dakong pondo gikan sa nasyunal human sa kasamtangang gipahigayon nga budget deliberation sa regional development council kon RDC.
Sigon ni Paolo Gogo Public Information Officer sa Butuan City Government, gisugdan karung adlawa ang budget deliberation diin gi-presenta sa lokal nga kagamhanan ang gi-proposed nga mga proyekto ug programa ning siyudad aron mahatagan ug pondo gikan sa nasyunal.
Gibutyag pa sa opisyal nga dako-dako ang gipangayong budget sa dakbayan aron mahatagan ug katumanan ang mga gi-proposed nga proyekto sama nalang sa IT Park, Logistical economic zones sa Barangay Masau, Good Industry sa Banza, Taguibo Industrial Park ug Agro Industrial Park sa Barangay Manila de Bugabos.
Laumang sa adlaw’ng miyerkules, maka-uli na ang delegado ni Butuan City Mayor Lagnada ning dakbayan.
