BUTUAN CITY – Gi-reconstitute og dyutay sa Police Regional Office kon PRO-13 ang ilang mga sakop gikan sa regional, provincial og municipal units alang sa pagpatuman na ning adlawa sa Oplan Double Barrel Alpha Reloaded – ang opisyal nga pagbalik sa naputol nga pagpatuman sa Oplan Tokhang.
Sa pagpakighinabi ning sibyahan, gipadayag ni regional director Chief Supt. Rolando Felix nga wala’y problema sa implementasyon niini tungod kay wala kini kala-inan sa unang Oplan Tokhang nga susama lang og konsepto sa bag-ong gilusad nga Tokhang.
Samtang giklaro sa opisyal nga sukad sa sinugdanan, ang ilang gipanglusad nga anti-illegal drug operations, wala gibase sa narco-list.
Kini sama sa mga buy-bust operations nga actual operations samtang ang mga raids, gibase sa mga search warrants human ang hugot nga prosesong gisunod.
Panapos sa opisyal, suportado sa komunidad ang ilang kampanya batuk sa ginadiling druga og kini napamatud-an sa mga impormasyong gipa-abot ngadto kanila ilabina dihang temporaryong gihunong ang Oplan Tokhang. (Beth Ruiz)
