BUTUAN CITY – Kasong reckless imprudence resulting to homicide ang kasong atubangon sa usa ka driver sa Toyota Fortuner human kini nakadasmag-patay og usa ka empleyado sa parmasya ning siyudad kagahapon.
Naila ang biktimang si Naomi Pugahan, 23-anyos, lumad nga taga-Las Nieves, Agusan del Norte og kasamtangang nagpuyo sa may JC Aquino Avenue ning siyudad sa Butuan samtang ang suspek nailang Peter Abrenica, 23-anyos, ulitawo og residente sa Guingona Subdivision ning siyudad sa Butuan.
Nasayran nga samtang gisubay sa suspek ang JC Aquino Avenue pasado alas-dies sa buntag, wala nini mabantayi ang mitabok nga biktima hinungdan nga nadasmagan kini resulta sa mga bun-og sa lawas nga iyang na-angkon.
Nadala pa sa ospital ang biktima apan nakabsan gihapon kini sa iyang kinabuhi. (Beth Ruiz)
