BUTUAN CITY – Naghatag og kahasol sa katawhan ilabina sa mga negosyante sa Dinagat Island province ang 16-ka oras nga brownout sa tibuok lalawigan sukad pa niadtong Sabado hangtud kagahaping adlawa.
Nagsugod pagkapalong ang kuryente niadtong Sabado sa alas-siete sa buntag apan mibalik ang linya sa kuryente pasado alas-siete na pagka-gabii.
Samtang kagahapon usab, subling naputlan og linya sa kuryente gikan sa alas-siete sa buntag ngadto na sa alas-dose sa udto.
Lakip sa mga naw ad-an og sugang dagitabnon ang mga lungsod sa Loreto, Cagdianao, Libjo, Basilisa, Tubajon, San Jose og Dinagat, nga naghatag og kahasol sa 127-mil ka kabalayan.
Sigon ni Association of Mindanao Rural Electric Cooperatives kon AMRECO President Sergio Dagooc, rason niini ang pagpalambo sa pipila ka mga ground power line sa National Power Corporation kon NAPOCOR sa maong franchise area.
Lakip sa ilang gipanghimo ang re-tapping sa na-detach nga AAC wire sa unit 2, pag-ayo sa nagubang MAN generator sets og sa lightning arrester ngadto sa 13.2kV bus. (Beth Ruiz)
