BUTUAN CITY – Gi-aprobahan na sa Department of Public Works and Highways kon DPWH-Surigao Del Norte ang rekomendasyon ni Governor Sol Matugas aron himoong tourism site ang natumpag nga tulay sa lungsod sa San Francisco ug maghimo na lamang ug bag-o human nga apil kini sa nadaut nga imprastraktura nga hatud sa magnitude 6.7 magnitude nga linog.
Sa pakighinabi ning sibyahan kang Engr. Henry Marapao, District Engr sa DPWH Surigao Del Norte Provincial Office, maghimo na lamang sila ug laing tulay gumikan kay anaa sa fault line nahimutang ang karaang tulay kansa hingpit nga nahugno atol sa linog ning milabay’ng semana.
Tumong sa lakang nga mapreserba sa kasaysayan ang hulagway sa kadaut nga hatud sa linog.
Gibutyag sa opisyal nga naghulat pa sila og rekomendasyon sa PhiVolcs nga maoy ilang basehan kung asa itukod ang bag-ong tulay. (Zirk Maravilla)
