BUTUAN CITY – Gipa-ilalom na sa state of calamity ang tibuok lalawigan sa Surigao del Norte kagahapon, human gitay-og sa magnitude 6.7 nga linog ning mi-aging semana.
Alayon niini, gibutyag ni Maryjul Escalante – information officer sa probinsyal nga panggamhanan sa Agusan del Norte, nga gi-activate na sa Provincial Disaster Risk Reduction and Management Office ang ilang Incident Command System aron daling marespondehan ang mga emergency operations.
Samtang bisan og siento-porsiento nang nabalik ang linya sa kuryente sa Surigao City apan duna pa’y pipila ka bahin sa ilang lalawigan ang wala pa gihapo’y kuryente.
Samtang sa damage assessment, nasuta nga sa mga kabtangan og imprastraktura mi-abot karon sa 600-milyunes pesos ang natalang damyos sa managlahing lungsod sa ilang lalawigan.
Alayon sa maong deklarasyon, gihatagan na og kagahom sa Sangguniang Panlalawigan si Governor Sol Matugas nga i-disburse ang 5-porsento sa ilang calamity fund aron magamit gilayon sa post disaster activities sama sa rehabilitasyon sa mga nadamyos nga imprastraktura. (Beth Ruiz)
