BUTUAN CITY – Miabot na sa 10 ang patay sa natigayong 6.7 magnitude nga linog sa may Surigao City sa niaging mga adlaw.
Sa nakuhang listahan sa Bombo Radyo Butuan, nadugang sa napatay sa maong kalamidad sila Julita Tuldo, 7-months old nga taga Alegria ug Janette Salvacion sa San Francisco, parehong sakop sa maong dakbayan.
Nasayrang ang batang si Julita Tuldo, anaa sa sulod sa balay tambalanan ug nakatakda untang operahan sa dihang mitay-og ang linog.
Tungod sa katarantar, gi-ibot sa iyang ginikanan ang Oxygen aron idagan pagawas sa ospital ang bata nga maoy hinungdan sa iyang kamatayon.
Samtang si Janette Salvacion nga naka-confine sa Caraga Regional Hospital, gi-atake usab sa kasing-kasing sa dihang mitay-og ang linog.
Una nang natala ang 8 ka mga patay sa maong pagtay-og nga sila:
1.Lorenzo Deguino, 86
2. JM Ariar, 4
3. Wilson Lito, 35
4. Justina Roda, 83
5. Grobert Eludo, 40
6. Wenefreda Bernal
7. Jenelyn Ebale, 5
8. Rommel Tano, 17
