BUTUAN CITY – Epektibo alas-sais ning gabhi-una, gipatuman sa Guerilla Front Committee-16 sa New People’s Army ang local ceasefire sa tibuok area sa Surigao City isip simpatiya sa mga nabiktima sa kusog nga linog.
Sigon ni Ka Oto – nagpa-ilang tigpamaba sa maong komite, gimanduan na ang tanang yunit sa Bagong Hukbong Bayan kon BHB nga ikansela na ang tanang giplanong taktikal nga opensiba hangtud nga makarekober ang Surigao City sa mga damyos nga namugna tungod sa linog.
Alayon niini, anaa lang sila sa active defense mode aron masegurong madepensahan ang tanan nilang yunit gikan sa posible matud pang pag-atakeng himuon sa ilang mga kaaway sa gobyerno.
Iya usab nga gi-awhag ang mga sakop sa militar nga i-pull out ang ilang unit gikan sa combat operation dungan sa iyang pagpasalig alang sa luwas nilang pag-withdraw sa mga lugar nga ilang nahimutangan.
Gi-awhag usab niya ang tanang katawhan nga magtinabangay alang sa ilang rehabilitasyon.
Samtang gikalipay usab sa liderato sa 30 IB ang maong deklarasyon. Sigon ni battalion commander Lt. Col. Rico Amaro, welcome development alang kanila ang lakang sa mga rebelde tungod kay alang man kini sa kaayuhan sa katawhan. (Beth Ruiz)
