BUTUAN CITY – Gikumpirma ni Surigao City Airport manager Junelito Abrasado nga suspendido na ang mga flights pasulod og paggawas sa airport tungod sa kadaghan sa mga cracks sa ilang runway nga delikado sa mga eroplano gawas lang sa helicopters nga mamahimo pang maka-landing
Blangko pa ang opisyal kung kanus-a posibleng mulungtad ang rehabilitasyon sa ilang airport ilabina nga padayon pa nila kining gi-assess karon.
Tungod niini, ang mga duna’y naka-book nga mga flights gitambagang i-arrange ang ilang accommodation sa airline company diin nila napalit ang ilang mga tickets.
Samtang gikumpirma usab ni Anith Villaces – information officer sa Surigao City nga mga major damages ang hatud sa 10-segudos nga linog nga miresulta sa pagkawala sa ilang mga linya sa kuryente, internet ingon man tubig.
Sa eksklusibong interview sa Bombo Radyo, gipadayag sa opisyal nga tungod sa kakusog sa pagtay-og, daghang kabalayan og commercial buildings, mga imprastraktura ang nadamyos og upat na ang kumpirmadong patay apil na ang 86-anyos nga lolo nga nailang si Lorenzo Seganio kinsa nadat-ugan sa nahugnong 3-andanas niining pinuy-anan samtang padayon pang gi-ila ang tulo nga namatay sa Caraga Regional Hospital.
Duna’y mga parte usab sa national highway sa maong siyudad ang nangbuto ilabina kadtong mga aspaltado og duna pa’y mga tulay nga nadamyos hinungdan nga usa ka barangay karon sa Surigao City ang isolated.
