BUTUAN CITY – Gelayong nagpasalamat sa kahitas-an ang tanang mananaog sa One Two Panalo Part 15 sa Bombo radyo human sa hingpit nga pagdawat nila sa ilang gante.
Tataw kaayu ang hilabihang kalipay nga gibati sa mga winners nga midawat sa ilang nadag-ang mga gante.
Natunol na ngadto sa mga winners nga sila Raymonda Samonte nga taga Purok-3, Ambago, Yolanda Gayo sa Purok-8, Los Angeles, parehong sakop sa Butuan ug Nenita Bonjebod sa P-5 Barangay 10, Buenavista, Agusan Del Norte ang premyong mil-500 pesos ug 1 ka unit sa deskfan.
Samtang si Ursly Bongato, nagpuyo sa P-4, Bading ning siyudad, midawat sa 3-mil pesos ug usa ka unit sa blender ug 4-mil pesos nga cash ug 1 ka unit sa rice cooker ang nadawat ni Gloria Dumanon sa Agusan Pequiño ning dakbayan samtang si Mary Jane Batistil ang nakakuha sa 5-mil pesos nga cash ug 1 ka unit sa desk fan.
Gelayong misaad usab ang mga winners nga padayong mosalmot sa mga promo ning sibyahan dungan sa pag-awhag sa mga suking tigpaminawan nga moapil usab aron susama kanila, mahimo usab nga palarang mananaog.
