BUTUAN CITY – Gipalihok na ni Justice Secretary Vitaliano Aguirre ang National Bureau of Investigation kon NBI para imbestigahan sa pagpamusil sa usa ka piskal sa Surigao City.
Mahinumdumang gipusil si Atty. Manuel Tesiorna, City Prosecutor sa Surigao City sa gawas sa iyang balay sa maong siyudad niadtong Pebrero 6, sa mga wala pa mailang suspetsado.
Gimanduan usab ni Aguirre ang NBI aron maghimu ug case build up sa pag-atake kang Tesiorna.
Nasayran nangayu ug gi-aprubahan ang paghatag ug police protection kang Tesiorna apan imbes nga padulong sa balay sa biktima ang maong pulis aron magbantay sa abogado, nahitabo na ang insidente.
Nanguha na usab ug pondo ang DOJ alang sa gastus sa ospital ni Tesiorna nga nakahigum ug tulo ka samad pinusilan sa nagkalain-laing parte sa lawas.
