BUTUAN CITY – Makigpulong ang Department of Environment and Natural Resources kon DENR-Caraga sa mga partner agencies aron maplanohan ang himoong lakang sa gilaumang ihap sa mga trabahante ning rehiyon nga mawad-an ug trabaho.
Kini human sa gikatahong pagpasira sa 23 ka minahan sa tibook nasud diin 14 sa mga niini nahimutang sa Caraga.
Sumala pa ni Atty. Evelyn Ramos-Regional Director sa DOLE-Caraga sa pakighinabi ning sibyahan, gitutukan karun nila ang mga trabahante sa nasangpit nga mga minahan nga kinahanglang mahatagan ug laing panginabuhian ugaling hingpit nga masirado ang mga kompaniya diin sila nagtrabaho.
Magkig-koordina sila sa ubang ahensiya sama sa National Economic and Development Authority kon NEDA, Philippine Overseas Employment Administration , Overseas Workers Welfare Administration kon OWWA, Regional Tripartite Wages and Productivity Board ug Technical Education and Skills Development Authority, aron makahimu ug transistion plan ugaling mapahawa ang mga empleyado.
Lakip sa inisyatiba nilang buhaton ang paglantaw sa profile sa mga trabahante aron mahatagan kini sa tukmang training o trabahao.
Gawas pa kini sa mga rehabilitation plan sa matag-kompaniya ugaling ma-undang ang ilang operasyon.
Gibana-banang muabot sa 30-mil ka mga trabahante ang posibling ma-apektuhan ugaling hingpit nang masirad-an ang nasangpit nga mga minahan.
